‘બઝમે વફા’ બ્લોગ પર મારી ગઝલ, “એવું વળી શું છે?”

Posted by: bazmewafa | 12/21/2016

એવું વળી શું છે ?— રાજુલ ભાનુશાલી

એવું વળી શું છે ?— રાજુલ ભાનુશાલી

rajul-001

ફેસબૂક પર”ગઝલતો હું લખું”ગ્રુપના મિત્રોનો ગઝલ સંગ્રહ ‘સંગતિ’માં અઢાર ગઝલકારોની છ ગઝલો મળીને કુલ 108 ગઝલો સમાવિષ્ટ થઈ છે.’બઝમેવફા’માં અગિયારના ક્રમનાં શાયર રાજુલ ભાનુશાલીની ગઝલ  પોસ્ટ કરતાં ,અહોભાવની લાગણી વ્યકત કરતાં…”સંગતિ’ના મિત્રોનો આભારમાનું છું.

ક્રમે ક્રમે બધા શાયરોની એક એક કૃતિ ફોટા સહિત પ્રકટ કરવાની ઇચ્છા છે.આશા છે ‘સંગતિ’નાં શાયર દોસ્તો એને સ્વીકૃતિ આપશે.

..’બઝમે વફા’ 20 ડીસેમ્બ ર16

‘તાજી કલમનો તરવરાટ’માં સૂરત ખાતે ગઝલ પઠન, “ગુલફામ થઈ ગઈ છે..”

 

‘તાજી કલમનો તરવરાટ’માં સૂરત ખાતે ગઝલ પઠન, “ગુલફામ થઈ ગઈ છે..”

ઠરીને ઠામ થઈ ગઈ છે
ગઝલ ગુલફામ થઈ ગઈ છે

સમય પણ વાંકમાં આવ્યો
કે સીતા, રામ થઈ ગઈ છે!

કિનારા રૂસણે બેઠાં
નદી સુમસામ થઈ ગઈ છે.

વિચારોમાં જે વસતી’તી
તમન્ના આમ થઈ ગઈ છે

બધા શોધે છે એને,પણ-
અદબ ગુમનામ થઈ ગઈ છે

ખભા પર હાથ મૂક્યો, તો
મુસીબત હામ થઈ ગઈ છે

ભરીતી બાથમાં એને
સનમ બેફામ થઈ ગઈ છે!

~~ રાજુલ

‘તાજી કલમનો તરવરાટ’માં સૂરત ખાતે ગઝલ પઠન, “એની આ કહાણી છે..”

‘તાજી કલમનો તરવરાટ’ સૂરત ખાતે ગઝલ પઠન..

અંતથી અજાણી છે, એની આ કહાણી છે
આંખમાં જે પાણી છે, એની આ કહાણી છે..

કોખમાં જ ‘મૉરલે’ પ્રાણ છોડવા પડ્યા
જડભરત સુયાણી છે, એની આ કહાણી છે

પાંચ મોહરા અને ચાર ચોકઠાં હતાં
જાણભેદુ રાણી છે, એની આ કહાણી છે.

જિંદગીના ઝેરને ચૂપચાપ પીધું છે
એ ખરી કમાણી છે, એની આ કહાણી છે.

જે દિશે કદર થશે, લાગણી ઢળી જશે
બે હિસાબ તાણી છે, એની આ કહાણી છે.

આમ તો કશું કહેવાપણું હતું નહીં!
તે છતાં પ્રમાણી છે, એની આ કહાણી છે

~~ રાજુલ

 

‘તાજી કલમનો તરવરાટ’માં પઠન, “ભીંત ખખડાવો તો..”

આ તે કંઈ ર.પા.ની કવિતા છે
કે ભીંત ખખડે ને કાંગરા હોંકારો દે!

‘તાજી કલમનો તરવરાટ’માં પઠન..

‘તાજી કલમનો તરવરાટ’માં કાવ્યપાઠ, સૂરત.

રવિવાર તારીખ 18/12/2016ના રોજ સોનાની મૂરત જેવા સૂરતમાં કાવ્યનો જલસો થયો. ‘તાજી કલમનો તરવરાટ’માં કાવ્યપાઠ કર્યું. કિરણભાઈનો આમંત્રણ આપવા બદ્દલ હૃદયપૂર્વક આભાર અને શુભકામનાઓ..

તા.ક.
સૂરતના ભાવકોને સલામ જેમણે કવિતાને દિલથી વધાવી..

વૉટ્સઍપ સામયિક ‘શ્રી શબ્દ’ના જાન્યુઆરી ૨૦૧૭ના અંકમાં મારી બે ગઝલો..

 વૉટ્સઍપ સામયિક ‘શ્રી શબ્દ’ના જાન્યુઆરી ૨૦૧૭ના અંકમાં મારી બે ગઝલો..

                                                       shree

લોકપ્રિય વાર્તામાસિક ‘મમતા’ના જાન્યુઆરીના અંકમાં મારી બે માઈક્રોફિક્શન. 1) એક મૂર્તિની આત્મકથા’ અને 2) સમજદારી.

લોકપ્રિય વાર્તામાસિક ‘મમતા’ના જાન્યુઆરીના અંકમાં મારી બે માઈક્રોફિક્શન. 1) એક મૂર્તિની આત્મકથા’ અને 2) સમજદારી.

મારા માટે ત્રેવડી ખુશી.

તાજેતરમાં અહેમદાબાદ ખાતે GLF ‘ગુજરાત લિટરેચર ફેસ્ટિવલ’માં સર્જન દ્વારા યોજાયેલ MFC વર્કશોપમાં પ્રિય વડીલ મિત્ર અને લોકપ્રિય લેખક શ્રી Nilamબેન દોશીએ મારી ‘એક મૂર્તિની આત્મકથા’નું પઠન કરેલું એ મારા માટે ગર્વની વાત.

 

~~ એક મૂર્તિની આત્મકથા~~

એક એક ઘા એને છિન્નભિન્ન કરી રહ્યો હતો. ધીરજ ખૂટી રહી હતી. હજુ તો માત્ર આકાર મળ્યો છે, ઘડાવાનું તો બાકી છે!

એણે છીણી અને હથોડીવાળા હાથ તરફ જોયું.

‘બસ હવે..’ એક ચિત્કાર ઉઠ્યો. એ ચિત્કાર હજુ ચીસનું સ્વરૂપ લે એ પહેલા બે ચાર ટીપા શ્રદ્ધા ટપકીને રેલાઈ ગઈ.

‘બસ હવે.. થોડીક જ ક્ષણો.. ને પછી તું ઈશ્વર..’

અને એણે કચકચાવીને હોઠ ભીડી લીધા!

~~રાજુલ

—————————————————————-

~~ સમજદારી ~~

“ઇન્ડિયાથી તોબા! કેવી રીતે રહો છો અહિ??” જમતાં જમતાં પરાગ બોલ્યો.

હસમુખભાઈ મલક્યા.

“કઢી આપું થોડી?” રમાબેને વાટકી ભરી દીધી.

પરાગનું મોઢું કટાણું થઈ ગયું.

“શું થયું?” એમણે પૂછ્યું.

“કંઈ નહિ, કાંકરી આવી ગઈ,” એણે કોળિયો બાજુમાં મૂક્યો.

“બીજી આપું?”

“કાંકરી આવે આખી થાળી ઓછી મુકાય!”

“સાચી વાત ભઈલા,” હસમુખભાઈ એ કઢીનો સબડકો બોલાવ્યો.

~~ રાજુલ

Image may contain: 1 person, text
Image may contain: text
Image may contain: text